Kaminq-aut etdikdən sonra Hollandiyaya qaçan rusiyalı gey rahib din adamlarının vəzifədə yüksəlmələri üçün cinsi əlaqədə olduqlarını iddia edib

Kaminq-aut etdikdən sonra Hollandiyaya qaçan rusiyalı gey rahib homofob ruhanilərin vəzifələrində yüksəlmək üçün rəhbərləri ilə yatdıqlarını iddia edib.

Alexander Usatov təxminən bir il əvvəl vəzifəsindən çıxana qədər Rostov və Novocherkassk arxiyepiskopluğunda işləyən rus ortodoks rahibi idi.

O vaxt Snob üçün mövqe yazısı yazaraq inancını itirdiyini və “hirslənib insanlardan intiqam alan antropomorf ülvi bir varlığa inamın” onun üçün “yad və xoşagəlməz” hala gəldiyini izah edib.

Ancaq indi kilsəni tərk etmək məcburiyyətində qaldığını və hətta ölkədən qaçdığını açıqlayıb. Gey olduğu üçün həmkarları və rəhbərləri tərəfindən təcavüzə məruz qalıb.

Bu həftə Snob tərəfindən nəşr olunan başqa bir mövqe yazısında Avropa Birliyində yaşayan LGBTİ+ fəallarının köməyi ilə Hollandiyaya qaçdığını söyləyib.

Keçmiş rahib yazır: "Mən geyəm və heç vaxt özümü Rus pravoslav kilsəsində təhlükəsiz hiss etməmişəm və son illərdə oriyentasiyamı bilən Metropolitan və ətrafındakıların təqib obyektinə çevrilmişdim."

O, dünyəvi adı İqor İvanov olan Rostov və Novocherkassk yepiskopluğunun başçısı Metropolitan Mercurius-a kaminq-aut etdiyini və çox keçmədən "peşman olduğunu" deyib.

Usatov rus ortodoks kilsəsində keşişlərin vəzifələrində yüksəlmək üçün daha yüksək səviyyəli kilsə rəhbərləri ilə yatmalarının adi bir şey olduğunu iddia edib.

O yazır: “Rus ortodoks kilsəsində geylər ikili vəziyyətdədirlər. Bir tərəfdən, hamı gey lobbisinin varlığını və yepiskopun yatağından keçdikdən sonra asan karyera qurma fürsətini bilir. Digər tərəfdən isə, kilsənin ən fəal inanclıları qızğın homofoblardır və onlara etibar edərək kilsə özündə ənənəvi seksual əxlaqın qalasını qurur."

Mənbə: PinkNews