Macarıstanın LGBTQİ+ təmsilçiliyinə qarşı təzyiqləri Qürur yürüşündə  iştirakçılığı artırıb

Macarıstanın LGBTQİ+ hüquqlarına qarşı təzyiqləri bu həftə sonu Budapeşt Qürur yürüşünə təkan verib, 35 dərəcə istiyə baxmayaraq on minlərlə insan küçələrə axışıb. 

Təşkilatçıların hesablamalarına görə, iyulun 15-də 35 min insan isti havaya dözərək mənzərəli və tarixi məkan olan Városliget parkına toplaşıb. Onların arasında dünyanın müxtəlif ölkələrindən diplomatlar, beynəlxalq şirkətlər və turistlər də olub.

Yürüş ölkədəki kitab dükanlarının LGBTQİ+ personajların yer aldığı uşaq və yeniyetmə kitablarının üz qabığını plastiklə örtməyə məcbur edildiyinə dair xəbərlər yayılmağa başlayandan bir həftə sonra baş verib.

Məşhur kitab mağazaları şəbəkəsi Libridən olan şəkillərdə sıx və qalın plastikə bükülmüş bəzi kitablar görülüb. 

Güman edilir ki, bəzi Marvel komiksləri və bədii romanları da daxil olmaqla, bu kitabların qablaşdırılması uşaqları hökumətin LGBTQİ+ təbliğatı adlandırdığı məfhumdan qorumaq üçündür.

Powered by Froala Editor