Meksikada ilk dəfə açıq gey siyasətçi parlamentə rəhbərlik edir

Gey deputat regional parlamentin spikeri olub

Meksikanın Aşağı Kaliforniya ştatında tarixi hadisə baş verib– deputatlar solçu Morena partiyasının nümayəndəsi Jaime Cantón Rocha-nı regional parlamentin rəhbər şurasının (Mesa Directiva) sədri seçiblər. Bu vəzifə parlamentin spikeri ilə eyni statusa malikdir: o, iclaslara sədrlik edir, gündəliyi müəyyənləşdirir və Konqresi rəsmi şəkildə təmsil edir.

Cantón ölkədə bu vəzifəyə gələn ilk LGBTQİ+ deputat olub.

Mexikalidən olan 29 yaşlı hüquqşünas bərabərlik və insan hüquqlarının fəal müdafiəçisi kimi tanınır. Son bir il ərzində o, iş həftəsinin 40 saata endirilməsi, kirayə qiymətlərinin artımının məhdudlaşdırılması, ştat konstitusiyasına LGBTQİ+ların hüquqlarının qorunmasını gücləndirən dəyişikliklərin daxil edilməsi və cinayət məcəlləsinə transfobiyadan qaynaqlanan cinayətlər barədə maddə əlavə olunması istiqamətində islahatlar təklif edib.

2021-ci ildə Cantón Aşağı Kaliforniyada eyni-cinsli nikahlarının leqallaşdırılmasına səbəb olan yürüşlərdə və aksiyalarda iştirak edib. Deputat seçilməzdən əvvəl o, ştat Konqresində, Mexikali şəhər administrasiyasında və ştat hökumətində qubernator kabinetinin koordinatoru vəzifəsində çalışıb.

Powered by Froala Editor