Qroznıda bir çeçenin kuir olduğuna görə oğurlandığı bildirilib

Yerli hüquq müdafiəçiləri bir çeçen və onun iki tanışının seksuallıqlarına görə polis tərəfindən qaçırıldığını bildiriblər.

İyulun 25-də Qroznı sakini Rizvan Dadayevin naməlum şəxs tərəfindən dindirilməsini əks etdirən görüntülər yayılıb. Videoda onu 'seks üçün bir oğlanla tanış olmaq istədiyini' etiraf etməyə məcbur ediblər. 

Hüquq müdafiəçisi və Rusiya LGBT+ Şəbəkəsinin keçmiş direktoru İqor Koçetkov “Çeçenistanda çoxsaylı homoseksual və biseksual insanların yoxa çıxması və işgəncələrə məruz qalması hallarına” istinad edərək, Dadayevin “ölümcül təhlükə altında ola biləcəyini” deyib.

Fəal bildirib ki, o, İstintaq Komitəsinə, Prokurorluğa və Rusiya İnsan Hüquqları üzrə Müvəkkilinə sorğu göndərərək, həmin şəxsin saxlanılması və videosunun çəkilməsinə görə məsuliyyət daşıyan şəxslərin müəyyən edilməsi, onların əməllərinin qanuniliyinin araşdırılması və Dadayevi tapıb onun hüquqlarının potensial olaraq pozulması ilə bağlı sorğu göndərib. 

Koçetkov əlavə edib ki, Dadayevin tanışları “məlum səbəblərdən” hüquq-mühafizə orqanlarına müraciət etməkdən çəkiniblər.

Kuir Şimali Qafqazlıları və onların ailələrini dəstəkləyən SOS North Caucasus Telegram kanalının məlumatına görə, Dadayevin tanışları həmin şəxsin saxlanılması və videosunun yayılmasına görə polisin məsuliyyət daşıdığını iddia ediblər.

OC Media



Powered by Froala Editor