Kuir İncəsənət Festivalı film nümayiş etdirib

Oktyabrın 2-si, bazar günü Nəfəs LGBTİ Azərbaycan Alyansının tərkibində faliyyət göstərən Kuir İncəsənət Festivalı kiçik film nümayişi təşkil edib. Saat 16:00-dan 18:00-a qədər davam edən nümayişdən sonra iştirakçılara pizza və qəlyanaltılar servis edilib.

Kuir İncəsənət Festivalı bu ilin əvvəlindən başlayaraq seçilmiş 30 iştirakçıya "filmmaking" vörkşopları təşkil edib. Proqram müddətində iştirakçılar şəhər quruculuğunun marjinallaşdırılmış qruplara təsirini araşdırıb və 3 dəqiqəlik qısa filmlər hazırlayıblar. Tədbir müddətində bəzi seçilmiş filmlər nümayiş olunub və mövzu ətrafında müzakirə aparılıb.