Təqiblərdən xilas olmaq üçün İsrailə qaçan fələstinli gey İordan çayının qərb sahilində öldürülüb və başı kəsilib

Fələstindəki təqiblərdən xilas olmaq üçün İsrailə qaçan və xaricdə sığınacaq istəyən gənc gey kişi İordan çayının qərb sahilində qaçırılaraq vəhşicəsinə öldürülüb.

25 yaşlı Əhməd Haçam Hamdi Əbu Maraxiya iki il əvvəl seksual oriyentasiyasının üzə çıxmasından sonra Fələstindən qaçıb. Səlahiyyətlilər onun Fələstinə dönəcəyi təqdirdə həyatının təhlükə altında olacağını etiraf etdikdən sonra o, İsraildə yaşayıb.

O, öldürüldüyü vaxt xaricdə – potensial olaraq Kanadada – sığınacaq axtarmaq prosesinə başlamaq üzrə olub.

Mako bildirib ki, Əhməd çərşənbə günü 5 oktyabrda İordan çayının qərb sahilində Fələstinin Hebron şəhərində öldürülüb. Fələstin sosial şəbəkələrində onun başı kəsilmiş cəsədinin yol kənarında uzandığını əks etdirən dəhşətli video yayılıb.

Səlahiyyətlilər Əhmədin ölümü ilə bağlı təhqiqata başlayıb, lakin onun İsraildəki dostları və fəallar öldürülməsinin səbəbinin onun seksual oriyentasiyası olduğuna inandıqlarını bildiriblər.

İsrail İşçi Partiyası MK-dan İbtisam Mara'ana sosial şəbəkədə paylaşdığı mesajda Əhmədin ölümü ilə bağlı yas tutub. "Seksuallığına görə İsrail sığınacağında qalan Əhməd amansız qatil tərəfindən öldürüldü", - deyə o yazıb.

PinkNews