Norveç Qürur festivalı zamanı ölümcül kütləvi atışmadan sonra daha iki şübhəli həbs edilib

İyun ayında Norveçin paytaxtı Osloda Qürur Yürüşü tədbirində iki nəfərin ölümü və 19-dan çox insanın yaralanması ilə nəticələnən ölümcül kütləvi atışma ilə bağlı daha iki həbs edilib.

Associated Press xəbər verib ki, polis iki şübhəlinin, 40 yaşlarında bir kişi və 30 yaşlarında olan Norveç vətəndaşının bazar günü 25 sentyabrda həbs edildiyini, 40 yaşlı ikinci norveçlinin isə hələ də axtarıldığını bildirib. 

25 iyun 2022-ci ildə Osloda yerli vaxtla gecə saat 1:14-də London Pub adlı məşhur LGBTİ+ məkanı da daxil olmaqla üç yerdə atəş səslərinin eşidildiyi bildirilib. Bir çox insan yaxınlıqdakı məkanlardan qaçıb və ya zirzəmilərdə gizlənməyə çalışıb.

Norveçin ictimai yayım kanalı NRK-nin kriminal müxbiri Olav Ronneberq bir kişinin silahı götürüb atəş etməzdən əvvəl çanta ilə "hadisə yerinə gəldiyini" gördüyünü söyləyib.

Hücumun şahidi deyib: “Hadisə baş verəndə mən London barda idim. Sadəcə gördüm ki, atəş açıldı və üstümə şüşə qırıntısı düşdü. Getdikcə daha çox atışma oldu, buna görə də barın içinə qaçdım və mümkün qədər çox insanı özümlə aparmağa çalışdım.”

Hadisədən qısa müddət sonra həbs edilən 43 yaşlı Zaniar Matapourla yanaşı, kütləvi atışmada şübhəli bilinənlərin ümumi sayı hazırda dörd nəfərə çatıb.

PinkNews

Powered by Froala Editor