ABŞ Olimpiadalarda trans qadınların iştirakını qadağan edib

ABŞ Olimpiya və Paralimpiya Komitəsi (USOPC) trans qadınların qadın yarışlarında iştirakını qadağan edib. Bu barədə Associated Press xəbər verir və məlumat komitənin rəsmi saytına istinadən verilib.

Dəyişikliklər USOPC-nin təhlükəsizlik siyasətində aparılıb. Yenilənmiş qaydalarda “transgender” sözü açıq şəkildə yer almır. Əvəzində sənəddə deyilir ki, yeni qaydalar “qadınlar üçün ədalətli və təhlükəsiz rəqabət mühitinin təmin edilməsinə” xidmət edir — bu ifadə Tramp administrasiyasının sərəncamlarında istifadə edilən formuladır.

ABŞ Prezidenti transfem şəxsiyyətlərin hüquqlarını ardıcıl şəkildə məhdudlaşdırır. Trans qızlar və qadınların ABŞ hökuməti tərəfindən maliyyələşdirilən yarışlarda iştirakı artıq qadağan olunub. Bu dəyişikliklər hərbi xidmət kimi həyatın digər sahələrinə də şamil edilir.

Yenilənmiş qaydalar təkcə ABŞ Olimpiya və Paralimpiya Komitəsinin saytında yerləşdirilməklə kifayətlənməyib. Komitə eyni zamanda milli idman federasiyalarına da bu sənədi göndərərək onlardan oxşar təhlükəsizlik siyasətlərini tətbiq etməyi tələb edib. Bütün bu dəyişikliklərə baxmayaraq, USOPC ictimaiyyət qarşısında heç bir açıqlama verməyib və qərarları şərh etməyib.

Powered by Froala Editor