Aktor seksual oriyentasiyasını gizlətmək məcburiyyətində qalıb
Aktor Hunter Doohan, karyerasının əvvəlində seksual oriyentasiyasını gizlətmək məcburiyyətində qaldığını açıqlayıb
14/Aug/25
535
Aktor Hunter Doohan, karyerasının əvvəlində seksual oriyentasiyasını gizlətmək məcburiyyətində qaldığını açıqlayıb
Wednesday serialının aktyoru Hunter Doohan: “İlk dəfə bir serial üçün son seçim mərhələsinə qatılırdım, seksual oriyentasiyamı gizlətməyə çalışdım. Partnyorumla olan fotolarımızı gizlədim.”
Wednesday serialının ulduzu Hunter Doohan özünü 10 ildir açıq gey olaraq tanıdır. Amma karyerasının əvvəlində bəzi rollara seçimlər zamanı seksual oriyentasiyasını gizlətməli olduğuna inandığını deyib.
Doohan yaxınlarda The Zach Sang Show-da Zach Sang ilə söhbətində 2019-cu ildə Your Honor serialına seçmələrə qatılmaq təcrübəsindən danışıb:
“İlk dəfə bir serial üçün son seçimə qatılırdım və çox diqqətlə baxırdılar. Seksual oriyentasiyamı gizlətməyə çalışdım. Partnyorumla olan fotoları sosial şəbəkələrdə arxivləmişdim, gizlədim.”
O zaman Doohan 26 yaşında olub və yeni rollar alarkən gey olduğunu həmkarlarına açıqlamaq məcburiyyətində qalıb. Your Honor çəkilişlərinə başlayanda isə bu prosesi başrol aktyoru Bryan Cranston ilə bir daha yaşayıb:
“Bir gün Bryan ilə naharda idim və ‘Grace yenə zəng etdi’ dedim. Ardınca da ‘dostum Grace’ dedim. O isə ‘Sadəcə dost?’ deyə soruşdu və mən düşündüm ki, ‘Səkkiz ildir açığam və indi yenidən açıqlamaq məcburiyyətindəyəm.’ Bu çox narahat və pis bir hiss idi. Bir rol üçün bunu bir daha əsla etməyəcəyəm.”
Zach Sang Doohan-a həmin dövrdə niyə seksual oriyentasiyasını gizlətmək istədiyini də soruşub:
“Partnyorum ‘Buna görə narahatsanmı?’ dedi. Mən isə bilmədiyimi söylədim. Heç vaxt gey bir rol üçün seçilməmişdim. O rollar üçün də seçmələrə qatıldım, amma heç oynamadım. Oynadığım bütün obrazlar heteroseksual idi. Qəribədir, amma özümü şanslı hiss edirdim.”
Doohan hazırda Netflix-in məşhur Wednesday serialında gizli Hyde olan Tyler Galpin obrazı ilə tanınır. Aktyor yeni yayımlanan ikinci mövsümdə də eyni rolu canlandırıb. Serialda Tyler heteroseksual kimi təqdim olunur. Amma Doohan bir gün gey bir obrazı canlandırmaq istədiyini deyib:
“Mən açıq gey bir aktyoram və çox müxtəlif rolları oynamaq şansı əldə etdiyim üçün şanslıyam. Amma doğrusunu desəm, mənə kifayət qədər gey rolu təklif olunmayıb. Gey bir obrazı çox istərdim — təkcə gey olduğu üçün yox, möhtəşəm bir xarakter olduğu üçün. Bir çox seçimə qatıldım, amma seçilmədim. Amma bilirəm ki, bir gün bu olacaq və möhtəşəm bir ssenari tapacağam.”
Doohan, yalnız gey obrazlarla məhdudlaşdırılmağa qarşı çıxan aktyorlardan ilham aldığını, xüsusilə Bridgerton və Wickedulduzu Jonathan Bailey-i nümunə göstərdiyini deyib:
“Bu yolu mənim üçün açan, mənim də bu obrazları canlandırma şansına sahib olmamı təmin edən kuir aktyorlara və bütün kuirlərə minnətdaram. Jonathan Bailey mənim üçün böyük bir ilham mənbəyidir.”
Doohan partnyoru Fielder Jewett ilə 2022-ci ildə evlənib. Toy mərasimini Your Honor serialındakı həmkarı Bryan Cranston aparıb.
Powered by Froala Editor