Litvada məhkəmə ilk dəfə lezbiyan cütlüyü ailə kimi tanıyıb

Bu, digər eyni-cinsli cütlüklərə də yol açan tarixi bir qərardır.

Litvada məhkəmə ilk dəfə olaraq dövlətə iki qadının partnyorluğunu rəsmiləşdirməyi əmr edib və onların münasibətləri ailə kimi tanınıb. LTR-nin məlumatına görə, bu, ölkədə ilk belə haldır.

Cütlüyün maraqlarını təmsil edən vəkil Aivaras Žilvinskas qərarı tarixi adlandırıb. Onun sözlərinə görə, bu, digər cütlüklərin münasibətlərinin də leqallaşdırılmasına qapı açır.

“Məhkəmə açıq şəkildə deyir: bu, ailədir. Yeni bir birləşmə forması deyil, tam hüquqlu ailədir. İndi eyni cinsli cütlüklər hüquqi baxımdan fərqli cinsli cütlüklərlə eyniləşdirilib,” – deyə Aivaras Žilvinskas bildirib.

Bundan əvvəl Litvanın Konstitusiya Məhkəməsi Mülki Məcəllədə nəzərdə tutulmuş partnyorluq institutunun Konstitusiyaya zidd olduğunu qərara alıb. Həmin müddəa yalnız kişi və qadın arasında ittifaqı nəzərdə tutub. Bu qərar isə indiki məhkəmə hökmünün əsasını təşkil edib.

Powered by Froala Editor