İndoneziyada LGBTQİ+ Facebook qrupu idarə etmələri iddiası ilə üç kişi həbs edilib

İndoneziyada LGBTQ+ Facebook qrupunu idarə etmələri iddiası ilə üç nəfərin həbs edildiyi bildirilib.

Jakarta Globe-un verdiyi məlumata görə, Facebook-da LGBTQİ+ icma səhifəsi yaratmaqda şübhəli bilinən üç nəfər Şərqi Yava ştatının Sidoarjo şəhərində polis tərəfindən həbs edilib.

İkisi 22 və biri 32 yaşlı şübhəlilər, yerli Cinayət Axtarış Bölməsinin 24 saatlıq kiber-patrulunun ardınca Sidoarjo əyalətinin Taman bölgəsindəki kirayəlik otaqda saxlanılıblar.

Bu üç kişi hazırda Sidoarjo Polis İdarəsində əlavə istintaqa qədər saxlanılır. Onlar elektron media vasitəsilə ədəbsiz materialların yayılması ilə bağlı ittihamlarla üzləşirlər. Sübuta yetirilərsə, onları 12 ilə qədər həbs cəzası və 6 milyard Rp (370 min dollar) məbləğində cərimə gözləyir.

Powered by Froala Editor