Azərbaycan mətbuatında LGBTİ insanlara qarşı nifrət nitqi

2017-ci il hadisələrində zərər çəkən LGBTQ fərdləri Avropa İnsan Haqları Məhkəməsinə müraciət edərək, öz haqlarını tələb edirlər. Məlumdur ki, bu cür məhkəmə işlərinin adları "Filankəs Azərbaycana qarşı" şəklində tərtib olunur. Comments.az resursunun jurnalisti isə bu faktı manipulyasiya edərək, xəbərə "Bütün geylər Azərbaycana qarşıdır" başlığını yazıb və sanki bütün homoseksual fərdlərin Azərbaycanın əleyhinə olması təəssüratı yaradır. Beləcə, bu xəbər başlığı geylərin Azərbaycana düşmən olması fikrini formalaşdırır və nifrətin yayılmasına xidmət edir. 

Bu yaxınlarda Minority portalında “Azərbaycan mediası kvir insanlara qarşı qorxu və nifrət yayır” adlı yazı yayımlanmışdı. Yazıdan da məlum olur ki, homofobiya və transfobiya Azərbaycan mətbuatında mütəmadi rast gəlinən hallardandır.

Oxucularımızdan xahiş edirik ki, mətbuatda bu cür paylaşımlara rast gəldikdə, bu haqda bizə mesaj bölməsinə və ya [email protected] email ünvanına məlumat göndərəsiniz.