Mikroplastiklər beyin fəaliyyətinə təsir göstərə bilər

Tədqiqat mikroplastikləri siçanlarda Alzheimer xəstəliyinə bənzər simptomlarla əlaqələndirir.

Rhode Island Universitetinin alimlərinin yeni araşdırması beynimizdə mikroplastiklərin yığılmasının onun fəaliyyətinə təsir göstərə biləcəyini irəli sürüb.

Rhode Island Universitetinin alimləri tərəfindən dərc olunan yeni araşdırma göstərir ki, beyində mikroplastiklərin yığılması onun fəaliyyətinə təsir edə bilər. Tədqiqat siçanlarda aparılıb və yüksək miqdarda mikroplastiklərin Alzheimer xəstəliyinə genetik meyilliliyi olan siçanlarda Alzheimer-ə bənzər simptomları ortaya çıxardığı müşahidə olunub.

Araşdırmanın bir hissəsində siçanlar kvadrat qəfəsə yerləşdirilib və onların hərəkətləri kameralar vasitəsilə izlənib. Normal, sağlam siçanlar adətən təhlükəsizlik üçün künclərdə qalır, açıq sahələrdən qaçırlar. Amma mikroplastiklərə məruz qalan və Alzheimer geninə malik erkək siçanlar qəfəsin mərkəzində daha çox vaxt keçiriblər. Mikroplastiklərə məruz qalan dişi siçanlarda isə yeni obyektlə qarşılaşarkən yaddaş problemləri müşahidə olunub.

Orta hesabla insan beynində təxminən yeddi qram mikroplastik ola bilər. ABŞ-da 65 yaşdan yuxarı insanların hər 9-dan biri Alzheimer xəstəliyi ilə yaşayır. Xəstəliyin səbəbləri hələ də tam aydın deyil; alimlər onun genetik, ekoloji və digər faktorların birləşməsi ilə əlaqəli olduğunu düşünürlər.

Alimlər mikro və nanoplastiklərin Alzheimer-də hansı dəqiq rolu oynadığını hələlik söyləyə bilmirlər. Siçan beyni insan beyninin tam modeli deyil və hazırkı tədqiqatda yaşlanmanın xəstəliyin inkişafına təsiri nəzərə alınmayıb.

Bununla belə, alimlər plastiklərin beynimizə təsirini daha dərindən araşdırmağa başlayıblar.

Powered by Froala Editor