Xuliqanlar göy qurşağı keçidini qara boya ilə örtüb

Bədbəxt xuliqanlar göy qurşağı keçidini qara boya ilə örtüb: ‘Bu insanlar göz qabağında olan terrorçulardır’

Litva səlahiyyətliləri bir qrup insanın ölkənin paytaxtında göy qurşağı rəngli keçidin üzərini qara boya örtməsindən sonra istintaq başladıb.

Euronews hadisənin 31 may bazar ertəsi günü - Qürur Ayının başlamasından bir gün əvvəl baş verdiyini bildirib. Facebook-da yayımlanan bir dəqiqəlik videoda Litvanın Vilnüs şəhərindəki göy qurşağı keçidini örtmək üçün dörd nəfərin qara sprey boyasından istifadə etdiyi görünür.

Piyadaların keçiddən istifadə etməyə çalışdıqlarına baxmayaraq, şəxslər piyada keçidini rəngləməyə davam ediblər. Videoda avtomobillər və motosikllər keçiddən keçmək üçün həmin şəxslərin ətrafında fırlanır.

Açıq gey litvalı millət vəkili, proqressiv Azadlıq Partiyasının üzvü Tomas Vytautas Raskevičius videonu rəsmi Facebook səhifəsində paylaşıb. O: “Bu insanlar göz qabağında olan terrorçular,” - deyə yazıb.

Litva polisi Euronews-a “ictimai asayişin kiçik pozuntusuna görə iki məhkəmə prosesi başlatdıqlarını” söyləyib. Bununla birlikdə, səlahiyyətlilər istintaq hələ davam etdiyindən başqa bir şərh edə bilməyəcəklərini deyiblər.

Vilnüs şəhər şurası Euronews-a verdiyi açıqlamada göy qurşağı rəngli keçidi yenidən rəngləyəcəklərini və “onu qara rəngə boyayan insanlara faktura verəcəklərinə” söz verdiklərini söyləyib. Əlavə olaraq: "Vilnüs hamını sevir və hamını dəstəkləyir," - deyə bildirib.

Powered by Froala Editor