Ukrayna Prezidenti Joe Biden ilə görüşündən sonra LGBTİ+ bərabərliyi uğrunda mübarizə aparacağına söz verib

Ukrayna prezidenti Vladimir Zelenskiy ABŞ prezidenti Joe Biden ilə görüşdən sonra LGBTİ+ bərabərliyi uğrunda mübarizə aparacağına söz verib.

1991 -ci ildə Sovet İttifaqının süqutundan bəri Ukrayna yavaş-yavaş LGBTİ+lər üçün bir çox hüquqlar tətbiq edib, lakin hələ irəlidə uzun bir yol var.

Eynicinsli cütlüklərin heç bir qanuni tanınması mümkün deyil və gender kimliyi və seksual oriyentasiyaya əsaslanan ayrı-seçkilik yalnız işə götürmədə qadağandır.

Kuir ukraynalılar Şərqi Ortodoks Kilsəsinin təsiri səbəbiylə böyük ölçüdə sosial damğa, zorakılıq və ayrı-seçkiliklə üzləşirlər.

Konqresin LGBTQ+ Bərabərlik Qrupu liderlərin Ukrayna ilə ABŞ arasındakı əlaqələri müzakirə etmək üçün bir araya gəldikləri zaman 1 sentyabr çərşənbə günü Zelenskiy ilə Bideni LGBTİ+ hüquqları mövzusunu qaldırmağa çağırıb.

Qrup məktubda Bidenə: "Ukrayna parlamentində Ukraynanın LGBTİ+ icmasıns zərər verəcək bir neçə qanun layihəsinin təqdim edilməsindən narahat olduğunu" - söyləyib.

Eynicinsli münasibətləri yenidən cinayət hesab etmək cəhdi də daxil olmaqla, qanun layihələri qəbul edilməsə də: "onların təqdim olunmağa davam edəcəyini və Ukraynanın LGBTİ+ icması üçün təhlükə olacağını gözləyirik", - məktubda deyilib.

Fevral ayında LGBTİ+ hüquqlarının dünya miqyasında qorunmasını tələb edən tarixi memorandum imzalayan Biden LGBTİ+ hüquqlarını görüşdə müzakirə mövzusu edib.

Daha sonra Zelenskiy və Biden aşağıdakı birgə bəyanatı yayblar: “ABŞ-ın dəstəyi ilə Ukrayna beynəlxalq standartlara və öhdəliklərə uyğun olaraq insan hüquqlarına, vətəndaş azadlıqlarına və fundamental azadlıqlara hörmətlə yanaşmağa, irqçilik, ksenofobiya, antisemitizm və LGBT+ icmasına qarşı ayrı-seçkiliklə mübarizə aparmağa davam edəcək. Ukrayna qanunvericilik də daxil olmaqla, genderindən, irqindən, etnik mənsubiyyətindən, dinindən, seksual oriyentasiyasından və siyasi baxışlarından asılı olmayaraq bütün şəxslərə qarşı şiddətə görə məsuliyyəti gücləndirməyi planlaşdırır."