Bosniyada LGBTQİ+ fəallarına hücum olub

Bosniyanın serblər tərəfindən idarə olunan hissəsində hüquq müdafiəçiləri həftə sonu təhlükəsizliklə əlaqədar olaraq LGBTQİ+ tədbirinin qadağan edilməsindən sonra hücuma məruz qalıblar. Bu barədə ABC news məlumat verib. 

Fəallar küçədə onları təqib və təhqir edən, yumruqlarla zərbə endirən onlarla kişi tərəfindən hücuma məruz qalıb. Bir neçə fəal xəsarət alıb, onlardan birinin tibbi yardıma ehtiyacı olub.

Ləğv edilmiş LGBTQİ+ tədbiri Bosniyanın hər yerindən bir neçə hüquq qrupu tərəfindən təşkil edilib və dəstəklənib. Təşkilatçılar film nümayişindən sonra panel müzakirəsinin aparılmasını planlayıb.

İllər ərzində ayrı-seçkiliyin azaldılması istiqamətində müəyyən irəliləyişlərə baxmayaraq, homofobiya Bosniyada dərin kök salıb.

Banja Lukada baş verən zorakılıqlar Avropa Birliyi rəsmiləri, bir sıra Qərb səfirlikləri və beynəlxalq təşkilatların qınağına səbəb olub. ABŞ-ın Sarayevodakı səfirliyi tvitter hesabında: “Bosniya serblərinin hakimiyyət orqanları bu iyrənc hərəkəti törədənləri müəyyənləşdirib mühakimə etməlidirlər”, - deyə yazıb.



Powered by Froala Editor