Rusiya miqrantlar üçün şərtləri sərtləşdirir

Rusiya miqrantlar üçün şərtləri sərtləşdirir: miqrantlar siyasətdən uzaq olmalı və “LGBT təbliğatına” qarşı çıxmalıdırlar.

Qanun layihəsi Dövlət Dumasında və Federasiya Şurasında təsdiqlənib. Bu barədə Parni+ məlumat verib. 

Dövlət Duması və Federasiya Şurası xarici vətəndaşların Rusiyada qalma şərtlərini sərtləşdirən qanun layihəsini təsdiqləyib. Onlar “rus mənəvi-əxlaqi dəyərlərinə hörmət etməli”, siyasi fəaliyyətlə məşğul olmamalı, həmçinin “LGBT təbliğatının” yolverilməzliyi tələblərinə əməl etməli olacaqlar.

Qanun layihəsinə görə, xarici vətəndaşlar Rusiyada qalmaq üçün aşağıdakı şərtlərə əməl etməlidirlər:

• Rusiya Federasiyasının ətraf mühitinə, təbii sərvətlərinə, maddi və mədəni dəyərlərinə qayğı ilə yanaşmaq;

• Rusiya Federasiyasının əhalisinin regional və etnomədəni həyat tərzinin müxtəlifliyinə hörmət etmək;

• Rusiya Federasiyası vətəndaşlarının hüquq və azadlıqlarının həyata keçirilməsinə, Rusiya Federasiyasının dövlət orqanlarının və onların vəzifəli şəxslərinin fəaliyyətinə müdaxilə etməmək;

• Rusiya Federasiyasının xarici və daxili dövlət siyasətinə qarışmamaq, o cümlədən qanunların və ya digər normativ hüquqi aktların qəbuluna, dəyişdirilməsinə, ləğvinə sövq edən fəaliyyətlə məşğul olmamaq;

• Ənənəvi rus mənəvi-əxlaqi dəyərlərinə, o cümlədən nikahı kişi və qadının birliyi olmasına, ailə, analıq, atalıq, uşaqlıq ideyalarına hörmət etmək, qeyri-ənənəvi cinsi münasibətlərin təbliğatının və Sovet xalqının Vətənin müdafiəsində göstərdiyi şücaət və faşizm üzərində qələbəyə verdiyi töhfələr haqqında tarixi həqiqətin təhrifinin yolverilməzliyi tələblərinə əməl etmək. 

Powered by Froala Editor