Vatikan LGBTİ+ ilə bağlı mühüm iqlim sazişini əngəlləyib

Vatikan LGBTİ+ məsələləri ilə bağlı mühüm iqlim sazişini əngəlləməkdə Səudiyyə Ərəbistanı, İran və Rusiyaya qoşulur

Vatikan BMT-nin COP29 iqlim sammitində qadın hüquqları ilə bağlı müzakirələri onlara verilən dəstəyin trans və gey qadınları da əhatə edəcəyi ilə bağlı narahatlıqlar səbəbilə dayandırıb.

BBC News bildirib ki, Roma Papası Fransiskin nümayəndələri iqlim dəyişikliyindən təsirlənən qadınlara daha çox dəstək verəcək bir razılaşmanın qarşısını almaq üçün Səudiyyə Ərəbistanı, Rusiya, İran və Misirlə birləşib.

İqlim dəyişikliyi ilə bağlı işin qadınlara dəstəyi, o cümlədən maliyyə dəstəyini qəbul etməsini təmin edən BMT-nin 10 illik fəaliyyət planı Lima Gender üzrə İş Proqramı Azərbaycanda cümə günü başa çatacaq sammitdə noyabrın 22-də yenilənməli idi. 

Bir sıra ölkələr bütün qadınların iqlim dəyişikliyinin təsirləri ilə bağlı təcrübələrinin fərqli olduğunu və “cins, gender, yaş və irq” ilə birləşə biləcəyini vurğulayan bir cümlə əlavə etmək istəyib.

Lakin dörd ölkə və dünyanın ən kiçik müstəqil dövləti olan Vatikan trans qadınları əhatə edə biləcəyinə dair narahatlıqlarını əsas gətirərək təklifə etiraz ediblər. Onlar həmçinin gey qadınlara istinadların silinməsini istəyirlər.

Powered by Froala Editor