Azərbaycanda kuir jarqonu

Dünyanın müxtəlif kuir icmaları tez-tez özlərinə məxsus bir dil – “slang” yaradırlar ki, bu da onların kimliklərini daha rahat ifadə etmələrinə imkan verir. Azərbaycanda bu dil LGBTİ+ icmasının içərisində formalaşmış çoxsaylı ifadələri əhatə edir. Bu sözlər birgə təcrübələri əks etdirir. Bəziləri rus mənşəlidir, digərləri isə yerli mədəniyyətin təsiri ilə yaranmışdır. Aşağıda Azərbaycanın kuir icmasında ən çox istifadə olunan və müsbət mənalar daşıyan 10 ifadə yer alır:

1. Qıy – Əylənmək, gəzmək, zövqlü və bir qədər feminin olmaq anlamına gəlir. Çox universal ifadədir və kompliment kimi işlədilir.

2. Qıy-bacı – Feminin gey şəxsə deyilir. İcma içində mehriban və səmimi münasibət göstəricisidir.

3. Defka – Feminin geylərə verilən ləqəb. Rus dilindən gəlsə də, çox hallarda icma daxilində zarafat və sevgi ilə işlədilir.

4. Xoşlayanski – Kimsə və ya nəsə xoşuna gələndə deyilir. Flört və ya maraq bildirmək üçün istifadə olunur.

5. Qoluboy – Neytral şəkildə homoseksual ifadə edən söz. Çox vaxt hörmətlə yanaşaraq işlədilir.

6. Koroleva – “Kraliça” mənasındadır. Gey icmasında tanınan, zövqlü, güclü və özünü sevdirən şəxsə deyilir.

7. Tanrıça – “İlahi varlıq, goddess”. İcma içində yüksək rütbəli, hörmət olunan və ilham verici fərdlərə deyilir.

8. Layihə – Planlaşdırılmış görüş və ya önəmli bir hadisə üçün işlədilən termin. Ciddi və özəl görüşlər üçün deyilir.

9. Dama – Elit, zövqlü və yüksək səviyyəli geylər üçün işlədilir. Özünü ifadə edə bilən, stili olan insanlara deyilir.

10. Matı – Mehribanlıq və sevgi dolu müraciət. “Şirinim”, “balam” kimi bir xitabdır, dostlar və partnyorlar arasında işlədilir.

Bu ifadələr Azərbaycandakı kuir icmasının dilində həm aidiyyət hissini artırır, həm də fərdlərin özlərini azad şəkildə ifadə etmələrinə imkan yaradır. 

Powered by Froala Editor