Belarus Qızıl Xaç Komitəsinin rəhbəri homoseksuallığı xəstəlik adlandırıb

Yerli Qızıl Xaç yenidən təbliğat dili ilə danışmağa başlayıb.

Belarusda “Qızıl Xaç” təşkilatının rəhbəri Dmitri Şevtsov dövlət nəşrinə verdiyi müsahibədə homoseksuallığın “psixi pozuntu” olduğunu bildirib.

O, həmçinin Ümumdünya Səhiyyə Təşkilatını homoseksuallığı Beynəlxalq Xəstəliklər Təsnifatından “pul müqabilində” çıxarmaqda ittiham edib. Şevtsovun sözlərinə görə, “bir müddət sonra qanuni şəkildə kannibal cəmiyyətinin yaranması mümkündür.”

“Misal üçün, həkim kimi mən efirdə deyə bilərəm ki, homoseksualizm – bu, xəstəlikdir. O, əvvəllər şəxsiyyətin psixi pozğunluqlarından biri kimi qiymətləndirilirdi. Əgər bir insan öz cinsini inkar edirsə, bu normal deyil,” – deyə Şevtsov bildirib.

Qeyd edək ki, “Belarus Qızıl Xaç Cəmiyyəti” (BQXC) formal olaraq beynəlxalq hərəkatın üzvüdür, lakin faktiki olaraq uzun müddətdir neytrallıq prinsipini kobud şəkildə pozaraq hökumətyönlü struktura çevrilib – bu prinsip Qızıl Xaçın əsas dəyərlərindən biridir. Təşkilat faktiki olaraq Lukaşenko rejiminin maraqlarına xidmət edir. Onun rəhbəri Dmitri Şevtsov mütəmadi olaraq təbliğat aksiyalarında iştirak edir və təşkilatı nüfuzdan salan homofob və elmi əsası olmayan açıqlamalar verir.

Powered by Froala Editor