Sent-Lusiya Ali Məhkəməsi eyni cins münasibətlərini dekriminallaşdırıb

Human Rights Watch: “Qalan beş Karib ölkəsi də oxşar qanunları ləğv etməlidir.”

Sent-Lusiya tərəflərin razılığına əsaslanan eynicinsli münasibətləri cinayət olmaktan çıxarıb. Ali Məhkəmənin qərarı ilə LGBTQİ+lar arasındakı yaxınlığı cinayət sayan, ayrı-seçkilikçi və beynəlxalq insan haqları standartlarına zidd olan qanunlar ləğv edilib.

Bu qərara qədər Sent-Lusiya Cinayət Məcəlləsi kurilər üçün “homoseksuallıq” və “ədəbsiz hərəkətlər” ittihamları ilə 10 ilədək həbs cəzası nəzərdə tutub. Qeyri-müəyyən tərzdə yazılmış bu qanun və digər Karib ölkələrindəki oxşar qanunlar ayrı-seçkiliyi artırır, LGBTQİ+lara qarşı ictimai stiqmanı və zorakılığı leqallaşdırıb. Bu qanunlar Britaniyanın müstəmləkə dövründə tətbiq edilib, lakin müstəqillikdən sonra hökumətlər onları ləğv etməyib.

Human Rights Watch-un məlumatına görə, qurumun 2018-ci ildə dərc etdiyi hesabat Sent-Lusiya da daxil olmaqla, yeddi Şərqi Karib ölkəsində bu cür qanunların yaratdığı nəticələri sənədləşdirib. Bölgədəki bir çox LGBTQİ+ səhiyyə, təhsil və məşğulluqda ayrı-seçkiliyə məruz qaldıqlarını, polisə müraciət edərək zorakılıq və pis rəftarı bildirməkdən qorxduqlarını deyiblər. Bu qanunlar qorxu və təcrid mühiti yaradaraq LGBTQİ+ icmasını görünməz hala gətirib.

Yeni məhkəmə qərarı Eastern Caribbean Alliance for Diversity and Equality və United and Strong kimi regional hüquq müdafiə qruplarının apardığı cəsarətli hüquqi mübarizənin nəticəsi kimi qiymətləndirilib.

Məhkəmə bəyan edib:

“Homoseksuallara qarşı açıq şəkildə alçaldıcı davranış, təhqir və hətta fiziki hücumlar — homoseksuallığın cinayət sayılmasının yaratdığı stiqmanı müşayiət edən təsirlərdir. Bu cür hallar müəyyən vətəndaş qruplarının ləyaqətinə yaraşmır. Bu ayrı-seçkiliyin azad və demokratik cəmiyyətdə formalaşan əxlaq normaları ilə uyğun olduğunu söyləmək çətindir.”

Sent-Lusiya, qonşuları Antiqua və Barbuda, Barbados, Dominika və Sent-Kits və Nevislə birlikdə, eyni cins münasibətlərinin cinayət sayılmasının bərabərlik, ayrı-seçkiliyə yol verməmək, məxfilik, təhlükəsizlik və ifadə azadlığı da daxil olmaqla, müxtəlif konstitusiya təminatları ilə uzlaşmadığını təsdiqləyib. Bununla belə, beş Karib ölkəsi (Qrenada, Qayana, Yamayka, Sent-Vinsent və Qrenadinlər, Trinidad və Tobaqo) hələ də bu qanunların müxtəlif versiyalarını qüvvədə saxlayır. Son iki ölkədə isə məhkəmələr yaxın zamanda edilən konstitusiyaya ziddiyyət müraciətlərini rədd edib.

Human Rights Watch-un açıqlamasında əlavə edilib:

“Özəl və razılığa əsaslanan yaxınlığı cinayət saymaq Birləşmiş Millətlər və Amerika İnsan Haqları Sistemi tərəfindən müəyyənləşdirilmiş beynəlxalq hüquqi standartlara ziddir. Bu, həmçinin ictimai sağlamlığı, təhlükəsizliyi və hüququn aliliyini zəiflədir. Sent-Lusiyanın qərarı xatırladır ki, LGBTİ+ şəxslərin insan hüquqlarını qorumaq demokratiyanı və hamı üçün ədaləti gücləndirir.”

Powered by Froala Editor