TGEU: Trans fəalların qətllərində dünya üzrə artım var

Trans Avroopa və Mərkəzi Asiya (TGEU) təşkilatının yeni Trans Qətlləri Monitorinqi 2025 (TMM) trans hərəkat liderlərinə qarşı qətllərin kəskin artdığını göstərir. 

Təşkilat bildirib ki, keçən il qətlə yetirilən trans çətiri altnda olan şəxslərin 14%-i fəallar və hərəkat liderləri olub — bu, dünya üzrə ən çox hədəflənən ikinci qrupdur. TGEU artımın “susdurma cəhdi” olduğunu bildirib.

Məlumatlar Trans Fərqindəlik Həftəsi çərçivəsində dərc edilib.

TGEU-nun məlumatına görə, 1 oktyabr 2024 – 30 sentyabr 2025 tarixləri arasında dünyada 281 trans qətlə yetirilib. 2009-cu ildən bəri ümumi rəqəm 5322-yə çatıb.

Hesabat bir daha göstərir ki, trans qadınlar və transfeminin şəxslər ən çox risk altında olan qrupdur. Qətllərin 90%-i feminisiddir. 

Region üzrə tendensiyalar dəyişməz qalıb. Qətllərin 68%-i Latın Amerikası və Karib hövzəsində qeydə alınıb. Braziliya ardıcıl 18-ci il dünyada ilk yeri tutur. ABŞ-da 31 hadisə qeyd edilib. Avropada isə beş qətl faktı bildirilib.

Qətllərin 44%-i silahla, 25%-i küçədə, 22%-i qurbanın evində baş verib. Seks işçiləri bütün peşələr arasında ən çox hədəf alınan qrup olaraq qalır — 34%.

TGEU artan təhlükələri siyasi ritorika ilə əlaqələndirir.

TGEU-nun siyasət meneceri Dikşita Qanesan deyib: 

“Son iki ildə trans fəalların qətlə yetirilməsi iki dəfə artıb. Bu, bərabərlik uğrunda mübarizə aparanları susdurmaq cəhdidir. Hökumətlər trans hüquq müdafiəçilərini qorumaq üçün dərhal tədbir görməlidir.”

TGEU-nun baş tədqiqatçısı Freya Uotkins əlavə edib:

“Hər qətlə yetirilmiş fəal bir icmanın səsini susdurur. Hökumətlər və institutlar vətəndaş cəmiyyətini dəstəkləməli, nifrət cinayətləri qanunvericiliyini harmonizasiya etməli və seks işçiliyini dekriminallaşdırmalıdır.”

Powered by Froala Editor