‘Heated Rivalry’: Qaynar buz üzərində qurulan kuir sevgi

Bu payız televiziyada yeni bir kuir sevgi hekayəsi başlayır. Bu dəfə nə kaminq-aut hekayəsidir, nə də hekayədə simvolik sətraltı məna gizlənib. Heated Rivalry açıq, emosional və seksual olaraq dürüst bir sevgi hekayəsinə yer verir. 

Buz meydanının kənarında atəşli baxışlar, gizli otel gecələri və peşəkar idmanın ağır təzyiqləri ilə dolu bir hekayə.

Rachel Reid-in məşhur romanının ekranlaşdırması 28 noyabrda Kanadada Crave, ABŞ və Avstraliyada isə HBO Max üzərində yayımlanıb. Serialın yaradıcılarından biri kanadalı rejissor və prodüser Jacob Tierney-dir.

Tierney romanı pandemiya dövründə dinlədikdən sonra müəlliflə Instagram vasitəsilə əlaqə qurub və qısa zamanda ekran hüquqlarını əldə edib.

Altı seriyalı ekran işi iki hokkey ulduzunun — kanadalı, qaydalara sadiq Shane Hollander (Hudson Williams) və onun rus rəqibi, cazibədar İlya Rozanovun (Connor Storrie) — illərlə gizli saxlanılan münasibətdən bəhs edir. Rəqabət zamanla otel otaqlarında, beynəlxalq turnirlərdə və səfərlər arasında çətinliklə tapılan boşluqlarda yaşanan dərin bağlılığa çevrilir.

Serial kitabın emosional səmimiyyətini və seksual açıq-saçıqlığını qorumağa çalışıb. Tierney deyir ki, aktyor seçimi çətin olub. Həm atletik görünüş, həm də emosional və fiziki çılpaqlığa açıq olmaq tələb olunurdu.

Tirninin sözlərinə görə: “Bu hekayəni çəkəndə dedim ki, hər şeyi göstərin. Kimsə rahat deyilsə, buraya uyğun deyil. Bu kitabların gizli böyük fan bazası qadınlardır — kuir kişilər onsuz da hər şeyə baxır, çünki bu hekayələrə acıq.”

Serialın treyleri artıq sosial mediada milyonlarla baxış toplayıb. 

Powered by Froala Editor