Elle jurnalının üz qabığında yer alan ilk trans qadın İndya Mur

İndya Mur Elle jurnalının iyun ayının üz qabığında yer almaqla tarixi bir işə imza atıb. Bundan öncə Louis Vuitton və Calvin Klein markalarının üzü olan İndya indi də Amerika Elle jurnalının üz qabığında görünən ilk trans qadın olaraq böyük səs-küy yaradıb. O, Elle jurnalına xitab edərək aşağıdakı sözləri öz tvitter hesabından paylaşıb: 

Təşəkkür edirəm ki, mənimlə ilk tərcübənizi yaşadınız. Bilirəm ki, mən axırıncı olmayacam. Sevinirəm ki, Elle öz platformasından istifadə edərək başqa istedadlı trans insanlara da görünən olmaqda və qəbul olunmaları, özlərini sərbəst hiss etmələri üçün təhlükəsiz mühit tapmaqda kömək edir.