Transfobik polşalı nazirin istefası tələb edilib

Məktəblərdə uşaqlara hormon “doldurulması” barədə utanmadan yalan danışmış transfobik polşalı nazirin istefa verilməsi tələb edilib. Polşada nazirlərdən biri fakt yoxlayıcının onun vəhşi iddiasını təkzib etməsindən sonra geri çəkilməkdən imtina edib. Belə ki, nazirin sözlərinə görə, müəllimlər “(uşaqların) cinsini dəyişmək üçün onları dərmanla doldururlar.”

Sentyabrın 1-də uşaq hüquqlarının müdafiəsi üzrə komissar Mikołaj Pawlak məktəblərdə seksual (cinsi) təhsilin tədris olunmasına qarşı çıxmaq üçün televiziyaya çıxmışdı. Jurnalist Konrad Piasecki ilə TVN24 News-a müsahibə verən Pawlak cinsi tərbiyəçilərin gənc trans uşaqlara valideynlərinin və ya həkimlərinin razılığı olmadan hormon müalicəsi yazması barədə yalan informasiya çatdırmışdı.

"Məktəblərə buraxdığımız 20 min cinsi tərbiyəçinin bu tip məzmun yaymayacağına zəmanət verə bilərsinizmi?", - deyə o soruşub. “Məsələn, Poznanda uşaqları sabit olmayan, tərk edilmiş bir yerdə saxlayıb, valideynlərinin və həkimlərinin məlumatı və razılığı olmadan cins dəyişdirmək üçün dərman verirlər. Bunun qarşısını alırıq! ”

Bu informasiya doğru deyil. Tərəfsiz fakt yoxlayıcı Konkret24-ə görə, cinsi təhsil müəllimlərinin uşaqlara hormon verməsi ilə bağlı heç bir məlumat verilməyib. TVN24 iddiaları təsdiqləmək üçün Poznań prokuroru ilə əlaqə qurarkən, prokurorluq bu cür bir məlumat eşitmədiklərini təsdiqləyib. 

Mənbə: PinkNews

Powered by Froala Editor