Minority Azerbaijan - Grindr hansı ölkələrdə ən çox aktiv və passiv geyin olduğunu açıqlayıb

Geylər, pandemiya sonrası səyahətə çıxmaq üçün pasportlarınızı hazırlayın - Grindr aktiv və passivləri ən çox olan ölkələri açıqladı. Qlobal görüş tətbiqi dünyanın demək olar ki, hər bir ölkəsində istifadə edilir. Lakin bəzi bölgələr digərlərinə nisbətən fərqli üstünlüklərə malikdirlər.

Gey tanışlıq tətbiqinin 2020 Grindr Unwrapped yekunlarına görə, Vyetnam, İsveç, Tailand, Peru və Cənubi Afrika özləri haqqında "passiv" (bottom) yazan istifadəçilərin ən böyük nisbətinə ev sahibliyi edir. Bu arada, gey seksin qeyri-qanuni olduğu Nigeriya yalnız Mərakeş və Hindistandan sonra, Çili və İsraildən əvvəl gəlməklə, “aktivlərin” (top) ən yüksək nisbətlərindən birinə ev sahibliyi edir.

Hər şey üçün uyğun bir adam axtarırsınızsa, Cənubi Amerika - Venesuela, Qvatemala və Argentinada olan kişilərin özlərini "universal" (vers) kimi qeyd etmələri ehtimalını nəzərə alaraq - mütləq seçim yerinizdir.

Grindr vacib bir açıqlama əlavə edib: “Bu məlumatlar yalnız istifadəçilərimizin bir hissəsini təmsil edir (bütün Grindr istifadəçiləri bu məlumatları profillərinə daxil etmir); Grindr özü isə yalnız qlobal kuir icmasının bir hissəsini təmsil edir."

Mənbə: PinkNews