Qeyri-binar şəxs polisin tərəfindən dəhşətli döyülməsini xatırlayır

İngiltərədə qalmaq üçün sığınacaq axtaran və əlamətdar müraciət qazanan qeyri-binar şəxs polisin tərəfindən dəhşətli döyülməsini xatırlayır

İngiltərədə qalmaq üçün əlamətdar sığınacaq müraciəti qazanmış sənətçi El Salvadorda polis tərəfindən döyülməsindən xilas olduğunu açıqladıqdan sonra “bəxtəvərlərdən biri olduğunu” söylədi.

Bir neçə LGBTİ+ dostu öldürüldükdən sonra 2017-ci ildə İngiltərəyə gələn 29 yaşlı gənc Salvadorda ona “indi sənə kişi olmağı öyrədəcəyik” deyən bir qrup polis tərəfindən döyülüb. 

Sığınacaq iddiasında deyildiyi kimi, El Salvadorda beş dostu da daxil olmaqla gey və transgenderlər müntəzəm olaraq qaçırılır, işgəncəyə məruz qalır və öldürülürlər, bəzən onların cəsədləri cinsiyyət orqanları kəsilmiş vəziyyətdə tapılır.

Noyabr ayında ona El Salvadora qayıdacağı təqdirdə gender kimliyinə görə təqiblərlə qarşılaşacağı əsas götürülərək sığınacaq verildi.

Məhkəmədə Mx M olaraq adlandırılan vətəndaş qeyri-binar şəxsdir, lakin hakim onun transgender qadın kimi qəbul edildiyini və bu əsasda təqib edildiyini bildirdi. İngilis məhkəməsi qeyri-binar olmağın sığınacaq üçün əsas ola biləcəyi barədə ilk dəfə açıq qərar verdi.

“Hakim mənə tərəf döndü və ilk dilim olan ispan dilində danışmağa başladı. İspan dilində danışdığını bilmirdim”, - deyə Mx M Liverpool Echo-ya bildirib.

“Mənə sığınacaq tələbimi qəbul etdiyini öz dilimdə bildirmək istədiyini söylədi. İngiltərədə olma haqqımın olduğunu, azad olmağa və istədiyim kimi olmağa haqqımın olduğunu söylədi.”

“Bu, həyatımın vacib bir məqamı idi, ağlamağa başladım. Çünki məhz o zaman El Salvadorda məhrum edildiyim bütün imkanlara sahib ola biləcəyimi bilirdim.”

Powered by Froala Editor