İsveçrədə ümumxalq referendumu ərəfəsində on minlərlə insan eynicinsli evlilik üçün yürüş keçirib

Şənbə günü İsveçrədə eynicinsli evliliyin leqallaşdırılması üçün çoxlu sayda insan küçələrə çıxıb.

İctimai yayımçı SRF "Bacararsınız. Hamı üçün evlilik, indi" şüarını daşıyan Sürix Qürur yürüşünə on minlərlə insanın və ən az 70 LGBTİ+ qrupunun qatıldığını bildirib. 

Digərləri İsveçrənin Hamı üçün Evlilik hərəkatının şüarı olan "Ja, ich will" (Bəli, razıyam) yazılmış plankartlarla yürüş ediblər.

Etirazlar Almaniya, Avstriya, Fransa və Niderland da daxil olmaqla bir çox digər Avropa ölkələrində tətbiq olunan eynicinsli evliliyin leqallaşdırılması ilə bağlı 26 sentyabrda keçiriləcək ümumxalq referendumu ərəfəsində baş tutub.

Hal-hazırda eynicinsli cütlüklər yalnız hüquqi cəhətdən evlilik ilə bərabər olmayan vətəndaş birlikləri üçün rəsmi icazə ala bilərlər. Əgər referendum keçərsə, İsveçrə Mülki Məcəlləsində "gəlin" və "bəy" sözlərini "nişanlı" və ya sadəcə "iki nəfər" olaraq dəyişdirəcək.

Bu, eynicinsli cütlüklərin uşaq övladlığa götürməsinə, lezbiyan cütlüklərin sperma banklarına daha asan əlçatımlılığına və xarici tərəfdaşların İsveçrə vətəndaşlığı almasını asanlaşdırmasına imkan verəcək. 

Qanun layihəsi keçən il yeddi il davam edən müzakirələrdən sonra İsveçrə parlamenti tərəfindən yekdilliklə təsdiqlənib və əhalinin böyük əksəriyyəti tərəfindən dəstəklənib.

Powered by Froala Editor