İsveçrə uzun və çətin mübarizədən sonra evlilik bərabərliyi haqqında tarixi referenduma hazırlaşır

26 sentyabr bazar günü İsveçrə səkkiz illik müzakirələrin və gərgin kampaniyaların kulminasiya nöqtəsi olan eynicinsli evlilik məsələsində vacib səsvermə üçün məntəqələrə gedir.

Ölkə evlilik bərabərliyi olmayan son Qərbi Avropa ölkələrindən biridir və anti-LGBTİ+ ayrı-seçkiliyini qadağan edən ilk qanunu yalnız 2020-ci ilin fevral ayında qəbul edib.

Qarşıdan gələn milli referendum vətəndaş hüquqları məsələsində irəliyə doğru böyük addımı təmsil edir, eyni-cinsli evliliklərin qarşısının açılması ilə yanaşı, eyni-cinsli cütlüklərə övladığa götürmə və lezbiyan cütlüklərə sperma ianələrinə çıxış imkanı da təklif edir.