Çin eyni-cinsli münasibətləri, 'qadınsı' kişiləri və əxlaqi seçimləri əks etdirən video oyunları qadağan edəcək

İnternetə sızan qeydə görə, Çin eyni-cinsli münasibətləri, 'qadınsı' kişiləri və əxlaqi seçimləri əks etdirən video oyunları qadağan edəcək.

Dövlətin dəstəklədiyi oyun birliyi tərəfindən edilən son bir daxili təlimatındakı qeyd South China Morning Post tərəfindən açıqlanıb. O, Çində video oyunların təsdiqlənməsi üçün yeni məhdudiyyətlər təyin edib.

Nəşrin yazdığına görə, qeyddə video oyunlara "təmiz əyləncə" kimi baxılmamalı, əksinə "düzgün dəyərlər dəsti" verilməli olduğu deyilib. Qeyddə kuir insanlar və ya qadınsı kişiləri əks etdirən oyunların Çində yayınlanması təsdiqlənməməli olduğu vurğulanıb.

"Əgər tənzimləyicilər qəhrəmanın genderini dərhal deyə bilməsələr, personajların yerləşdirilməsi problemli sayıla bilər və qırmızı bayraqlar qaldırılacaq", - deyə o əlavə edib.

Qeydə görə, oyunçuların yaxşı ilə pis arasında mənəvi seçim etməsinə imkan verən oyunlar da təsdiq edilməməlidir.

"Bəzi oyunlar mənəvi sərhədləri pozub", deyə qeyddə deyilib.

"Oyunçular yaxşı və ya pis olmağı seçə bilərlər ... amma oyunların oyunçulara bu seçimi verməli olduğunu düşünmürük ... və bu dəyişdirilməlidir."