Türkiyə LGBTİ+ dərnəklərindən bəyanat: Gülşənə azadlıq!

Türkiyədə LGBTİ+ dərnəkləri aprel ayında verdiyi konsertdə həmkarları ilə etdiyi çıxışa görə qanunsuz olaraq həbs edilən Gülşən üçün birgə bəyanat yayıb.

Bəyanatda LGBTİ+ dərnəkləri: “LGBTİ+lərin və qadınların həbs olunmağa çalışıldığı qaranlığa son zamanlar qatıldığı hər konsertində cavab verən Gülşənə edilən hədə-qorxu, LGBTİ+lərin tərəfində olan bütün fərdlərə, qurumlara və qeyri-hökumət təşkilatlarına edilən hədə-qorxudur”, - deyilib.

Bəyanatın tam mətnini təqdim edirik:

“Gülşən aylar əvvəl konsertində dediyi və daha sonra üzr istədiyi sözlər bəhanəsi ilə həbs edilib!

LGBTİ+lərin və qadınların həbs olunmağa çalışıldığı qaranlığa son zamanlar qatıldığı hər konsertində cavab verən Gülşənə edilən hədə-qorxu, LGBTİ+lərin tərəfində olan bütün fərdlərə, qurumlara və qeyri-hökumət təşkilatlarına edilən və hər kəsi susdurmağa çalışan hədə-qorxudur. Bundan xəbərdarıq!

“Bilirik ki, siz LGBTİ+lərə qarşı apardığınız savaşda LGBTİ+lərin yanında olan hər kəsə və hər bir quruma təzyiq, cəza, təhdid və qadağa siyasətləri ilə LGBTİ+ləri təcrid etməyə çalışırsınız!

“Cəmiyyətin təzyiqlər, təhdidlər, qadağalar və cəzalarla qütbləşməsinə; ifadə azadlığına, sənətin bütün sahələrində təzyiq və qadağalara qarşı Gülşənin yanındayıq!

“LGBTİ+ləri və LGBTİ+lərin yanında olan, dəstəkləyən sənətçiləri, hüquq müdafiəçilərini, LGBTİ+ assosiasiyalarını və qeyri-hökumət təşkilatlarını hədəf almağı dayandırın!

Gülşənə azadlıq!"

İmzalayanlar:

17 Mayıs Derneği, Genç LGBTI+ Derneği, Gökkuşağı Aileleri Derneği (GALADER), HEVI LGBTI+ Derneği, Kaos GL Derneği, Kırmızı Şemsiye Derneği, Lambdaistanbul LGBTI+ Dayanışma Derneği, LİSTAG, Mersin 7 Renk LGBT, Muamma LGBTI+ Derneği, Özgür Renkler Derneği, Pembe Hayat LGBTI+ Dayanışma Derneği, SPoD, UniKuir Derneği