Vyetnam LGBTQ+ kimliyini xəstəlik hesab etmir

Vyetnam bəyan edir ki, LGBTQ+ icmasına mənsub olmaq “xəstəlik deyil”. Bu haqda The Guardian məlumat verib.

Kampaniyanın iştirakçıları bu tarixi qərarı seksuallıqla bağlı “paradiqmada böyük dəyişmə” kimi qiymətləndirib.

Gey, biseksual və ya trans olmaq xəstəlik hesab oluna və müalicə edilə bilməz, Vyetnam hökuməti ölkədə LGBTQ+ hüquqları ilə əlaqədar “paradiqmada böyük dəyişikliyi” belə elan edib.

Səhiyyə Nazirliyi bəyan edib ki, tibb işçiləri LGBTQ+lara hörmətlə yanaşmalı və onların ayrı-seçkiliyə məruz qalmamasına çalışmalıdırlar. 

Bu ay əyalət və bələdiyyə səhiyyə departamentlərinə göndərilən və hökumətin vebsaytında yerləşdirilən elanda nazirlik bildirib ki, LGBTQ+ kimliyinə mənsub olmaq “heç bir şəkildə xəstəlik deyil”, ona görə də onu “müalicə etmək olmaz” və “dəyişdirməyə ehtiyac yoxdur”. 

Elanda deyilir ki, tibb işçiləri LGBTQ+ pasiyentlərə “müdaxilə etməməli və müalicəyə məcbur qoymamalıdırlar”. Əgər hər hansı dəstək tələb olunursa, “bu, yalnız psixoloji yardım şəklində olmalı və yalnız seksual kimlik haqqında bilikləri olan şəxslər tərəfindən həyata keçirilməlidir”, – nazirlikdən bildirilib. 

Bu sıçrayış LGBTQ+ hüquqlarının müdafiəsi üzrə qrupların çoxillik kampaniyalarının nəticəsində baş tutmuşdur. Noyabrda Cəmiyyət, İqtisadiyyat və Ətraf Mühit Araşdırmaları İnstitutunun  (iSEE) “Qürurla get” kampaniyası Vyetnamdakı Ümumdünya Səhiyyə Təşkilatına müraciət edərək homoseksuallığın xəstəlik olmadığını təsdiqləmələrini xahiş edib. Videoda iSEE sual verir: əgər kuirlik xəstəlikdirsə, LGBTQ+ vyetnamlılar xəstəlik bülleteni almalıdırlarmı? 

Apreldə ÜST-ün Vyetnam üzrə nümayəndəsi Kidon Pak bəyanatla çıxış edərək təsdiq edib ki, LGBTQ+ların seksual oriyentasiyasını dəyişmək cəhdləri “tibbi olaraq əsassızdır və yolverilməzdir”. 

“Biz bu elanın miqyaslarını həddən artıq şişirdə bilmərik”, – Human Rights Watch təşkilatının səhiyyə və LGBTQ+ hüquqları sahəsi üzrə baş elmi işçisi Kayl Nayt bildirib. “Münasibət bir gecəyə dəyişməsə də, bu, paradiqmada böyük dəyişimin əlamətidir. Vyetnamda ən etibarlı tibbi nüfuza malik olmaqla, kuirliyin ictimai qəbullanmasında təsiri böyük olacaqdır.”

“Homoseksuallığın diaqnoz edilə biləcəyinə dair mif Vyetnam cəmiyyətinə nüfuz etmişdir. Bu, LGBTQ+ gənclərə qarşı həkim səhlənkarlığının əsas amilidir”. 

iSEE və ICS Center LGBTQ+ hüquq müdafiəsi qrupu hazırda ölkədə eynicinsli nikahlara icazə verən qanunun qəbuluna çağırış edirlər. 

Powered by Froala Editor