Bakıda homoseksualları hədəfləyən “TəmizQan” hərəkatının yaradıldığı deyilir

Yeni yaradılmış Teleqram kanallarından birində verilən məlumata görə, Bakıda “qeyri-ənənəvi cinsi oriyentasiyalı” insanları tapmaq və döymək məqsədilə “TəmizQan” adlı gənclər hərəkatı yaranmağa başlayıb.

Noooldu 18+ ünvanlı kanalda yayımlanan 20 mart tarixli xəbər qızğın müzakirələrə səbəb olub. Şərhlərdə bu xəbəri dəstəkləyənlər də tapılıb. Bəzi istifadəçilər “belələrinin yandırılmalı olduğunu”, “onlarla mübarizə aparılmazsa, gələcəyimizin məhv olacağını” bildiriblər.

Təssüflər, lakin əvvəlcə bunu Polşa və Macarıstandakı kimi hökumət səviyyəsində təbliğ etmək lazımdır. Orada onlara nəfəs almağa imkan vermirlər, yenə də pis deyil, onlarla mübarizə qaçılmazdır, yoxsa on ildən sonra g*t vəziyyətində qalacağıq.

Uraaa. Belələrini yandırmaq lazımdır.

Kanalın özü isə bu xəbəri “Nəhayət ki, normal hərəkat yarandı” kimi şərh edib.

Bakıda yenidən qeyri-ənənvi seksual oriyentasiyalı insanları döymək məqsədi daşıyan "TəmizQan" adlı gənclər hərəkatı yaradılır. Nəhayət, normal bir hərəkat.

Qeyd edək ki, Hornet tanışlıq tətbiqində artıq icmadan olanlar bir-birilərini məlumatlandırmağa və ehtiyatlı olmağa çağırır.

Minority Azerbaijan təşkilatı olaraq, bu xəbərdən narahatıq və hüquq-mühafizə orqanlarının sözügedən məsələni ciddi şəkildə araşdırmasını tələb edirik.