Qürur həftəsi tədbiri polis təhdidi ilə əngəllənib

İstanbul Adalar Polis İdarəsi Heybeliadada keçirilməsi planlaşıdırılan İstanbul LGBTİ+ Qürur Həftəsi tədbirlərinin qarşısını alıb.

KaosGL-in verdiyi xəbər görə, bu gün Qürur Həftəsi tədbirləri çərçivəsində veqan piknik təşkil edilməsi planlaşdırılıb. Məkan ilə görüşən Polis İdarəsi məkan sahibini təhdid edərək tədbiri təxirə salıb.

Bu qərardan sonra 29-cu İstanbul LGBTİ+ Qürur Həftəsi Komitəsi yerli vaxtla saat 16:00-da Heybeliadada keçirilməsi planlaşdırılan piknik və digər tədbirləri Maçka parkına keçirib. 

Açıqlamalarında "Bütün kuirləri və LGBTİ+ hüquq müdafiəçilərini piknikə gözləyirik," - deyə çağırış ediblər. 

Qeyd edək ki, 29-cu İstanbul LGBTİ+ Qürur Həftəsi bu il "küçə" mövzusu ilə 20-27 iyun tarixlərində onlayn və fiziki olaraq reallaşır.

Tədbir təqvimi üçün linki buradan əldə edə bilərsiz.

Powered by Froala Editor