LGBTİ+ Qürur bayraqları 2022-ci ildə Qətərdə keçiriləcək dünya çempionatında müsadirə edilə bilər

Təhlükəsizlik rəsmisi bildirib ki, Qətərdə keçirilən Dünya Kubokunda  hücumların qarşısını almaq üçün LGBTİ+ futbol azarkeşlərindən qürur bayraqları müsadirə edilə bilər.

Futbolun qlobal idarəedici orqanı FİFA 2022-ci ildə Dünya Çempionatının homoseksuallığın 7 ilə qədər həbs və pul cəzası ilə cəzalandırıldığı Qətərdə keçiriləcəyini elan edəndən bəri ciddi reaksiya ilə üzləşib. Şəriət qanunlarına görə, ölkədəki müsəlmanlar ölüm cəzası ilə cəzalandırıla bilər. 

Qətərdə LGBTİ+lərə qarşı təqiblərə baxmayaraq, Qətər və İngiltərədə futbol rəsmiləri LGBTİ+ azarkeşlərinin təhlükəsiz və “xoş” qarşılanacağını və Qürur bayraqlarının göstərilə biləcəyini təkid ediblər.

Lakin indi Dünya Kubokunda təhlükəsizliyə nəzarət edən general-mayor Əbdüləziz Abdullah Əl Ənsari azarkeşlərin təhlükəsizliyi üçün bayraqların müsadirə oluna biləcəyini söyləyib.

Metro agentliyinin məlumatına görə, o, “Əgər o [azarkeş] göy qurşağı bayrağını qaldırıbsa və mən onu ondan almışamsa, bu, həqiqətən, onu almaq, həqiqətən təhqir etmək istədiyim üçün deyil, onu qorumaqdır," deyib.

“Çünki mən olmasam, ətrafdakı başqa biri [ona] hücum edə bilər... Mən bütün insanların davranışına zəmanət verə bilmərəm. Mən də ona deyəcəyəm: 'Zəhmət olmasa, indi bu bayrağı qaldırmağa ehtiyac yoxdur'."

“Siz [LGBTI+] vəziyyətə öz baxışınızı nümayiş etdirmək istəyirsiniz, bunu qəbul ediləcəyi bir cəmiyyətdə nümayiş etdirin”, - deyə general-mayor davam edib.

Powered by Froala Editor