Tory hökuməti Uqandada anti-LGBTQİ+ qrupları maliyyələşdirib

Jurnalistika və Sosial Dəyişiklik İnstitutunun (IJSC) hesabatında bildirilib ki, Böyük Britaniya hökuməti Uqandada anti-LGBTQİ+ qruplara maliyyə ayırıb.

Hesabat Uqandada beynəlxalq donorlar və anti-LGBTQİ+ təşkilatları arasında əlaqələrin “heyrətləndirici” miqyasını vurğulayıb.

2014-cü ildən bəri Böyük Britaniya və ABŞ kimi ölkələrin anti-LGBTQİ+ təşkilatların iştirak etdiyi layihələrə 75 milyon dollar ianə etdiyi bildirilib. Bu maliyyənin hər hansı hissəsinin xüsusi olaraq anti-LGBTQİ+ fəaliyyətləri maliyyələşdirdiyinə dair heç bir sübut olmasa da, Uqanda Dinlərarası Şurası (IRCU) Böyük Britaniyadan birbaşa olaraq 100,000 funt sterlinqdən çox yardım alıb. 

2014-cü ildə IRCU və digər mühafizəkar dini qruplar Uqandada ölüm cəzasının da daxil olduğu anti-LGBTQİ+ qanunvericiliyinin irəli sürülməsində iştirak ediblər. Qanun layihəsi etibarsız sayılıb, lakin IRCU o vaxtdan qanunu Uqanda parlamentinin müzakirəsinə qaytarmağa söz verib.

Təklif olunan qanun ölüm cəzasının da mümkün olacağı bir cəza ilə kuir olmağı faktiki olaraq qanunsuz edəcək.

Powered by Froala Editor