Saint Luciada ilk dəfə Qürur bayrağı dalğalandırılıb

29 avqustda bayraq Fransanın Rezidensiyasında qaldırılaraq rəsmi olaraq 2025 Pride tədbirlərinə start verilib. Tədbirlər qeyri-kommersiya təşkilatı 758pride tərəfindən təşkil olunur və St Lucia Times-in məlumatına görə, proqramda dəyirmi masalar və icma bayramları da daxil olmaqla bir sıra tədbirlər yer alacaq.

Bu mühüm addım Şərqi Karib Ali Məhkəməsinin adada həmcinslər arasında razılaşdırılmış anal əlaqəni cinayət hesab edən “oğlanbazlıq” və “kobud əxlaqsızlıq” qanunlarının konstitusiyaya zidd olduğunu elan etməsindən cəmi bir neçə həftə sonra baş verib.

“Bugün burada dalğalanan Qürur bayrağı yalnız buradakı iştirakçılara deyil, hələ də ümid və mənsubiyyət axtarışında olan hər bir LGBTQ şəxsə qəbul, təhlükəsizlik və birliyin güclü mesajını göndərir,” – deyə Şərqi Karib Müxtəliflik və Bərabərlik Alyansının Kommunikasiya üzrə əməkdaşı Randall Theodule bildirib.

758 Pride-ın təsisçisi Jessica St. Rose isə əlavə edib: “Biz mövcudluğumuzu göstərməyin vacib olduğunu düşündük. Məqsəd bayrağın bütün Saint Lucia boyunca dalğalanması deyil, tanınmaqdır — Saint Luciada mövcud olan bir icma kimi qəbul edilmək… bu, çox vacibdir, çünki icmanın görünməsi lazımdır.”

Powered by Froala Editor