Türkiyədə həbsdə olan gey kişi homofob məhbuslar tərəfindən təhdid edilib, döyülüb və qaynar su ilə yandırılıb

Ailəsi Türkiyədə 16 il həbsxanada cəza çəkən fransız yəhudisi LGBT+ Fabien Azoulayın məhkumlar tərəfindən təcavüzə məruz qaldığını, döyüldüyünü və qaynar su ilə yandırıldığını söyləyib.

Həbsdə olan 43 yaşlı gey İstanbula gedərkən az miqdarda parti narkotiki GBL sifariş etdiyinə görə dörd il həbs cəzasına dözüb. O, məhsulun bir neçə ay əvvəl Türkiyədə qadağan olunduğundan xəbərsiz idi.

Vəkilləri indi onun digər anti-LGBT məhbuslarla qarşılaşdığı amansız anti-semitik və homofobik istismara görə cəzasının qalan hissəsini Fransada çəkməsi üçün mübarizə aparırlar.

France 24 kanalına danışan Fabien Azoulay Dəstək Komitəsinin prezidenti Sophie Wiesenfeld: "Həbs şərtləri insan ləyaqətinə hücumdur," - deyib.

“Dəhşətlidir. Onu qorxudurlar, məhbus yoldaşları ona İslamı qəbul etməsini və gündə beş dəfə namaz qılmasını deyir. Seksual oriyentasiyasına görə də təcavüzə məruz qalır,” - deyə Fabian Azoulay'ın vəkillərindən biri Carole-Olivia Montenot əlavə edib.

Ailəsinin bildirdiyinə görə, Azoulay seksuallığını digər məhbuslardan gizlətməyə çalışsa da, məhbuslar onun gey olduğundan şübhələnib və yəhudi inancından imtina etmədiyi təqdirdə onu zorakılıqla hədələyiblər.

Montenot 2019-cu ilin noyabrında homofobik hücumun qurbanı olduğunu təsdiqləyib. “Bir məhbus yoldaşı onun gey olduğunu bilirdi. Gecənin ortasında Fabienin bədəninə qaynar su atıb və bu, ikinci dərəcəli yanıqlara səbəb olub. Fabien xəstəxanaya köçürülməli idi,”- deyib.

O, dostlarına və ailəsinə yazdığı məktublarda “cihadçıların digər məhbusları radikallaşdırmağa çalışdığı” izdihamlı Türkiyə həbsxanasındakı şok vəziyyəti təsvir edib.

“Bir çoxumuz kiçik bir məkanda yaşayırıq. Gecə tualetə getmək üçün yatan insanların üstündən keçməli oluruq. Onları oyandırdıqda hirslənirlər və davalar olur,” - deyə Azoulay yazıb.

LGBTİ+ məhbusu mütəmadi olaraq məcburi dua və fiziki zorakılığa məruz qaldığını və hətta bir qətlin şahidi olduğunu söyləyib.

“Dörd suriyalı bir oğlanın boğazını kəsib. Bu baş verən zaman yatmışdım, amma digər məhbusların qışqırıqları məni oyatdı. Hər yerin qana bürünməsi qorxulu idi, dəhşət filmlərindən də betərdir”,- deyə xatırlayıb.

"Sonradan ölən məhbusun suriyalılardan birinə qarşı seksual istəklərinin olduğunu və homoseksual olduğu üçün Allah naminə həyatını verməli olduğunu öyrəndim."

Fabian Azoulay'ın vəkilləri onun vəziyyətini Fransa Xarici İşlər Nazirliyinə bildirib. Nazirlik təcili görüş üçün toplanıb. Nazirlik onun başqa bir Türkiyə həbsxanasına köçürülməsini təklif edib, lakin hüquqşünaslar komandası ölkəyə geri qaytarılmasına tərəf çıxaraq, təklifdən imtina edib.

Mənbə: PinkNews